كلنا بطحة… رسالة

إلى الرفيق المناضل في كل مكان،

تحية طيبة و بعد،

أيها الرفيق،

إنه من عاش مات، و من مات فات، و كل ما هو آت آت، و يخرب بيت جنان الليلات….

سيدي المناضل،

اجتمعت الليلات فأصبحوا ليلى واحدة، و اجتمع الطيش فتجسد في عقل واحد، و اجتمعت ألسن النساء فأصبحوا لسانا واحدا، ثم جاءت الليلى الواحدة ففكرت بالعقل الواحد فكرة طائشة واحدة، فزنت باللسان الواحد، زنتا واحدة، أكيد هتخرب بيت المجتمع و تجيبه الأرض… هما عايزين يعملوا ايه بالظبط، لبس و عريانين، شيشه و بيشيشوا، سجاير و بيدخنوا، ولاد و بيعرفوا، شغل و بيتدلعوا لغاية ميهمشوا الرجالة و يقعدوهم على القهاوي، سواقة و خربين الشوارع… قال كلنا ليلى قال…

فامضوا يا رجال في طريقكم لا فض فوكم… و النصر لكم…

و اللهم احفظنا من الخيبة القوية… و ربنا يهدي و يقلل من تفاهتكم…

و اللي على راسه لولا،

و السلام ختام…

كلنا بطحة… رجالة مصر

ليلى من الليلات اعترضت و رفضت كل الكلام اللي قالوا عنها و قررت تاخد يومين هدنه و طلبت من الليلات الأخريات توحيد الكلمة و ضبط النفس و كلام كبير كده ماللي بنسمعه في نشرات الأخبار و الخطب اياها اللي بتاخد ساعات… كلام كبير و فصيح و هما أصلا مش فهمينه…

ليلى فاكره نفسها بتخطط لفتح عكة يا رجاله… دول عملينلي فيها الضباط الأحرار و واحدة منهم مبسوطة أوي انهم بيعملوا حاجة مع بعض… انا نفسي افهم انتم ليه بتتبسطوا أوي من التفاهة و الهبل و العبط… و بعدين عايزين تعملوا حاجة مع بعض ثروا أيه صربرايظ بيرزداي بارطي لواحده صاحبتكم…

سبحان الله انا كل مبص حواليا الاقي الغباء نسبته بتعلى و تزيد… و معلش بس أنا عندي مشكلة كبيرة أنا بكره الغباء و التفاهة بصفه عامة ما بالكم بالتكسفين كله المتمثل في الحملة عديمة المعنى و المضمون بتاعت الأخت ليلى.

يا ليلى اللي عايزه جوزها يحترمها تتلم و تحترم نفسها و تحترمة. اللي عايزة. عايزة الرجالة تبطل تبص و تعاكس، ارحميهم و البسي لبس محترم… مش عاجبك التلزيق في الأوتوبيسات عندك المكيف و التاكسيات، عايزة يبقى ليكي هدف و يبقى ليكي أشكيفمنتز ربي ولادك عدل بدل منتي عايزة تقضيها في الشوارع ساعتها الناس هتحسدك و هتقول يا دي عرفت تربي… لو جوزك مش محتاج شغلك يبقى بيتك و ولادك أولى بوقتك بلا ذاتي في شغلي بلا أرف و كلام فارغ، ذاتك في انك تكوني أنثى و انك تبني بيتك و أسرتك.

عشان نجيب من الآخر عايزة تبقي سعيدة، ابتدي احمدي ربنا شوية و بطلي زن و سمع للودودة و فوقي من خيبتك…

رجالة مصر قالوا كلمتهم ليلى هي بلوتهم….

و نزل ليلى من على راسك يا فتى لقد مضى عهد الاستهبال…

و عجبي

كلنا بطحة… صميدة عبدالصمد – جوز الست

أنا صميدة عبدالصمد صميدة من سكان مركز مبسوط محافظة نسواننا لسا بخير…

من يومين نزلت عالبندر و اخس عالبندر و بنات البندر… نسوان الطشط اتجننوا يا رجاله… البت من دول متعرفلهاش عايزة تهبب ايه و الود ودها تأضي حياتها صياعة… أعدت مع ابن عمي و حكالي على ليلى بت كدة مش عايزة تحل مشاكلهه و قاعدة بس تشتكي لخلق الله و الشكوى لغير الله و كلنا عرفين مذله…

المهم… البت ليلى طلعت مش ليلى وحده دي طلعت مستشفى مجانين بحالها عايزين آل ايه يسهروا و يحششوا و يباتوا برة و يعملوا علاقات و يسافروا لوحدهم آل ايه عشان الراجل ابن كلب ظالم و بيعمل كل ده و مانعهم من متع الدنيا اللي نصها حرام يعني و يا خيبت الراجل بحرام عمله و النص التاني في اسباب لمنعه عن الست و اغلبها ديني و أخلاقي…

تعالوا معايا نشوف نظرية الأفيريج جو (Average Joe) عن الليلى المحترمة مش واحدة من بتوع كلت (Cult) “انحلال كلوب” اللي بنسمع عنه…

بص يا عم القرد منك ليه… البنت مخلوق رقيق… ضعيف بطبعه من حيث القوة العضلية و القوة العقلية في المواقف الحساسة (أيه.كيه.ايه المواقف اللي بتخليهم يجيبوا دموع و وشهم يقلم الوان). و تيجي الواحدة من دول تقولك انا عايزة اشتغل و انت ترد و تقول لأ يا حبيبتي مش عايزك تتبهدلي و بعدين أنا عايزك تدي أولادنا أكبر قدر من الاهتمام ممكن تقولك انها مكنتش عايزة اخلف عشان كده أو تقوك تعالى نجيب دادا ولا مربية.

و المربية في زمننا هذا هي مهنة ابتدعت لتنصل الأم من المسؤولية و تيتيم الإبن و أهله لا يزالون على قيد الحياة. مهي الحاجة ليلى اللي طالبة مسؤوليات زيادة سيد من يهرب من المسؤولية… و لو قلتلها لأ تبقى عايز تكبتها و تدمر الإبداع عندها… ماشي يا لولا بدعي مانتي كل حاجة ليها عندك رد خايب و اهبل احنا الرجالة منقدرش نرد عليه عشان انتي جبتيلي الضغط من زمان…

و تنزل لولا تشتغل و ترجع تعيطلك عشان مين قال معاها تلت التلاته كام… طب مهو أنا كمان طالع ميتين اللي خلفوني عشان نقدر نعيش و ساكت… مش قد الشغل متشتغليش… و سعتها تسمع: انت ليه مش صابورطيف (Supportive) يا صميدة يا حبيبي… و تألك يا حبيبي و هي بتجز على سنانها و بتبصلك بنظرة شذر زي متكون بتقولك بنظرتها: و حياة أمي لنا مطلعا على جتتك الأديم و الجديد و المستخبي و المستنيل على عينه.

طب لما انتي شفتي العيال كبرت ليه مش فاكره لما أونكلك رمضان السكري الله يمسي اللي جابته بالخير قال لطشنتش زينب الأم مدرسة يا زينب فن و لعب و هندسة…

و بعدين بقيتي تزلي اللي خلفته يوم الخميس عشان آل ايه تعبانة من الشغل طول الأسبوع… يا ولية اتلمي منا طالع عيني انا كمان ثم انا أصلا اللي بشيل الليلة يوم الخميس آل يعني هتبذلي مجهود… طب لا واخد منك لا أكل و لا تربية للعيال و لا يوم خميس طب ما ايه رأيك أروح اتجوز المربية و اهو منها تربيلي عيالي و تقول معايا يوم الخميس و آكل من ايدها بدل ماكل من ايد الغرب…

و يا عيني عليكي و على تفاهتك لما تطلبي مني طلب وراه التاني وراه العاشر و بلاعة مبتشبعيش… حدش قلك ان انا مش الفليبينية اللي جابوهالك أهلك؟ اعمل و اعمل و انتي براحتك؟

دا طبعا الحال لو قلتلك اشتغلي و انتي حساسة دا غير انك ممكن تكوني من النوع اللي بيرقع بالضحكة و مقضيها كفوف مع زمايلك الرجالة و لما أقولك احترمي جوزك تردي ببجاحة و تقوليلي ايه بسوشيالايز… انت عايزني ابقى محترمة و ماسوشياليزش… طب الناس تقول عليا ايه اهلي عرفوا يربوني… و لا عايزهم يقولوا عليك راجل ابن ناس و متجوز ست فاضلة… احنا في الألفيه التالته يا حيلتها… اصحى..

بتايه يا روح طنط… بتسوشياليزي…. الله يرحم جدك اللي كان هو ذاته مبيتكشفش على رجالة بعد الضهر و كان شعارة “بردو الأمر ميسلمش” من حاجه كدة أو حاجه كدة… الناس نواياها متتعرفش من الظاهر.”

يا ليلى انا آسف بس انا تعبت و بما انك غالبا العصمة في ايدك في عصر الراجل و الدلدول بقوا مرادفين لكلمة واحدة… ارمي عليا ايمين و اطلعي من نفوخي… جاتكم البلاوي جبتونا ورا…

و اللي على راسه ليلى… عارف يتصرف ازاي…

و عجبي عليك يا زمان…

و كله من أجل مصر… و يا خبتك التئيله يا مصر…

كلنا بطحة… فتاة مصرية

سالت الدموع، حين ضاع كل أمل، حين انطفأت كل الشموع، و ضاعت آمالي، وسقطت أبراج أحلامي، و سكن الألم الضلوع. فنظرت إليك يا مصر متسائلا، ماذا أصابك يا حبيبة القلب، ذاك الراقد بجسدي و قد أعيته الحيل و سكن بين جوانحه الملل و بات باك من فرط ما رأى، من الضعف، من الوهم، من السقم.

فنزلت أسير في الطرقات، تتسرب من بين شفتي الآهات، و يموت في قلبي الإحساس، عالما أن ما أنا فيه قضاء، قدرا لا أعلم من أين أتاني، ألم كألم من به داء. فرأيت في الأفق حبيبة قادمة تنادي، تسير في عزة فتخضر من حولها البوادي، و تأتي معها أحلى النسمات فأسمع في أذني همسات، كلها آت من الماضي، أصرخ، أنادي، حين أراها تقترب و قد قتلت بيديها جمال الماضي و تعرت بيديها لرجل ماض و كلب آت. أصرخ و أنادي، ألا منكم يا قوم من يوقظني من أضغاث أحلامي و يخفف من نار أوجاعي و آلامي؟

و يتوقف بيا الزمان، و تفقد الروعة الأيام و يضيع كل جميل تحت الأنقاض، تحت الحطام، ها هي ليلى قد قامت ثائرة تطالب بما أود أن لم تسمعه ألآذان و تنادي بالأمهات و كأنها تود أن تنتزع الجنة من تحت الأقدام. و تنادي في أختي، و في ابنتي و كأنما تريد أن يحمر بالكره الأوجان و تنهار من حولنا الأيام و تسير بنا إلى نهاية الحياة و إلى آخر الأزمان.

أبكي على كل ريح هزت ألأرض، أبكي على أمة إسلامية، و رياح شرقية، و حضارة عربية، و تشتعل النار في قلبي حين أراكي قد أضعت جمالك يا من كنت بالماضي في عيني أجمل بنات الأرض، يا مصرية.

كلنا بطحة…. و برقع الحيا مخلوع

الأسلوب المصري لحل أي مشكلة دايما بياخد عقلي و بيشد انتباهي لدرجة غير متوقعة…

خد عندك يا سيدي… مش عجبهم الحكم و حاسين بنقص في الديمقراطية و في فيتامين سي يقوموا يطلعوا يشتموا و يهللوا ويسبوا و لما أمن الدولة يجي يقولهم بيتك بيتك يتمسك نصهم و النص التاني يروح شوية منهم يكملوا سب عالنت و الباقي يروحوا لماما يقولولها: خليهم ميخدونيش يا ماما أصل معندهمش سيريلاك.

طب ايه رأيكم لو خططتم و اتصرفتم بانتظام و خدتوا حقوقكم؟

و بعدين عندك بنات مصر الفاضلات اللي شوية شوية هتتجوزهم في غرز، عايزين مساواة، عاوزين يقلوا أدبهم و انت تدلعهم، يطولوا لسانهم و انت تقف زي الكلب و متنساش ايدك في جنبك يا حيوان.

حبوا يحلوا مشكلة انك بتعاكس بانهم يعاكسوا دا بدل ما يقولوا ان دا غلط… هما اظاهر كده و الله اعلم مش عايزين الصح، هما بس طلبت معاهم انهم ينزلوا بالمجتمع لأسفل الدرجات… يلا هنقول ايه…

و بعدين البجاحة انهم ابتدوا يدخلوا في مسلمات دينية و يتناقشوا فيها و مش عجبهم كمان رأي الشرع… أصل الهوانم خلاص عيارهم فلت…

أنا هجبهلكم ببساطة… عايزين تتقدموا للرجالة يا كتاكيت، اتفضلوا و شيلوا الليلة كلها… علما بإن الراجل عليه أحمال مضاعفة مقارنة بالست. انا معنديش ادنى مانع…

سؤال أخير… لغاية امتى هنفضل محدثين نعمة في مصر و بنشبط في كل حاجة جديدة منغير منفكر أو نشغل دماغنا؟

بتتكلموا عن سلامة أختي و بنتي و مراتي و أمي… يا ترى السلامة دي هتيجي من انهم يتسرمحوا في الشوارع لغاية الفجر؟

الغريب ان الناس في مصر شباب و بنات أصبح عندم استعداد كامل للتخلي عن كل المبادئ و الأعراف من دينية و اجتماعية، لا دين بأى يهمهم ولا عادات و تقاليد بئت تفرق معاهم… الحياة عندهم بإت كفته…

الحرية و المساواة مفهوم كامل مش كلمة تخلينا نشبط في أي هبل… ارحموا نفسكم شوية من الهبل و خيبة الأمل اللي انتم فيها… حرام عليكم المجتمع المنيل بتاععنا مش ناقص تسوس و عفن و أرف…

و يا معشر الرجال… اللي على راسه ليلى ينزلها قبل ما تستقر و تدلدل رجليها…

و دلدلي راسك من الخيبة يا مصر…

بطحة… الرقصة المصرية الجديدة

من الواضح و الذي لا شك فيه انه لا أمل في مصر ما دام أهل هذا البلد يرقصون لكل ما هو مضاد للدين و العرف و الأخلاق. كل يوم أقول ان في أمل؛ و ان مصر ممكن تتحسن لكن للأسف أبناء وطني الحبيب بيزعلوا جدا لما يعرفوا ان ممكن في يوم من الأيام نبقى ناس علينا القيمة .

و عشان كده بسلامتهن و ركز يا حبيبي معايا و انت بتقرا و لاحظ نون النسوة، عملوا ايه بقى، بدأوا مشروع جديد تحت شعار كلنا ليلى و المحتوى كوميدي جدا.

الأخوات ليلى عايزين يخالفوا كل ما هو صحيح و عايزين يسهروا و يدخنوا و يطلعوا و يدخلوا وقت ما يحبوا و الجميل ان في مكان لقيت ليلى منهم زعلانه اننا بنتقدم و نخطب و عايزة تروح و تتقدم و تخطب. يا شماتة ابله طازا فينا.

انا للأسف مش عارف أقول ايه و مش عارف أعمل ايه و ابتدي منين. بقالي كتير بتسئل انا ليه مش طايق اتجوز مصرية… اظن ان الرد واضح….

مصر… لا دين… لا أخلاق… لا شيئ… الله يرحمك يا جدي… تعالى شوف الخيبة…

اتلموا بقى فضحتونا…

و يا سلام على خيبتك يا مصر….